به‌ڕێوه‌به‌رایه‌تی ئاماری سلێمانی

ئامارى بازرگانى ئه‌م به‌شه‌ توێژینه‌وه‌ ئه‌كات له‌سه‌ر هه‌موو كه‌رتى بازرگانى له‌ هه‌رێمى كوردستان به‌م شێوه‌یه‌:-

 

1.  جۆرو ژماره‌ى دامه‌زراوه‌ بازرگانییه‌كان كه‌ بریتیه‌ له‌ مۆڵ سه‌نته‌رى بازرگانى و فرۆشگاى بچوك و ده‌ستگێڕ هتد .

2. ژماره‌ى ئه‌و كه‌سانه‌ى له‌م دامه‌زراوه‌ بازرگانییه‌دا كار ده‌كه‌ن ئایا چه‌ندیان ده‌ستى كارى خۆماڵین چه‌ندیان عێراقى و چه‌ندیان بیانین ئایا داهاتیان چه‌نده‌ و چه‌ند ڕێژه‌ى ئافره‌ت به‌شداره‌ تیایاندا .

3. توێژینه‌وه‌ ده‌كات له‌سه‌ر ئه‌و كه‌ل و په‌ل و شمه‌كه‌ بازرگانیانه‌ى بازرگانى پێوه‌ ده‌كرێت ئایا به‌ ڕێژه‌ى چه‌ند خۆماڵین یان هاورده‌ ده‌كرێن و بیانین هه‌روه‌ها سالآنه‌ حجمى هه‌نارده‌ و هاورده‌ دیارى ده‌كات له‌ ڕێگه‌ى فڕۆكه‌ خانه‌ و خاڵه‌ سنورییه‌كان .

   

4. توێژینه‌وه‌ ده‌كات له‌سه‌ر ژماره‌ى میوانخانه‌و چێشتخانه‌ و ڕێستۆرانته‌كان و كافتریاكان و داهات و سه‌رمایه‌ و خه‌رجییان وه‌ دیارى كردنى ڕێژه‌ى ده‌ستى كار تیایدا چه‌ند كورد و چه‌ند عه‌ره‌ب و چه‌ندى بیانین وه‌ به‌پێى ئه‌و خزمه‌تگوزاریانه‌ى كه‌ هه‌یانه‌ چه‌ند ئه‌ستێره‌ن هتد.

5. توێژینه‌وه‌ ده‌كات له‌سه‌ر ژماره‌ى میوانخانه‌ كه‌ هه‌ریه‌ك ( له‌ ئوتێل و موتێل و كابینه‌و گوندى گه‌شتیارى ده‌گرێته‌وه‌ ) واتا ئه‌و كه‌رته‌ بازرگانیانه‌ى كه‌ میوان بۆ ماوه‌ 24 كاتژمێر تێیدا ده‌مێنێته‌وه‌ تا بزانرێت داهات و هێزى كار و ژماره‌ى میوانه‌كان كه‌ ڕوو ده‌كه‌نه‌ ئه‌وێ چه‌ندن و خه‌ڵكى چ ولآتێكن .

6. توێژینه‌وه‌ ده‌كات له‌سه‌ر سه‌رمایه‌و به‌هاى ئه‌و بازرگانانه‌ى كه‌ له‌هه‌ر بوارێكدا كار ده‌كه‌ن و بازرگانى ده‌كه‌ن .

7. توێژینه‌وه‌ ده‌كات له‌ دامه‌زراوه‌ گه‌شتیارییه‌كان چه‌ندیان 5 ئه‌ستێره‌ یان 4 ئه‌ستێره‌ یان 3 ئه‌ستێره‌ن 2 یان 1 ئه‌ستێره‌ن و چه‌ندیان میلین كه‌ ژماره‌ى ئه‌م ئه‌ستێرانه‌ به‌پێى ئه‌و خزمه‌تگوزاریانه‌ى كه‌ له‌ دامه‌زراوه‌كه‌دا هه‌یه‌تى بۆى دیارى كراوه‌ كه‌ چه‌ند ئه‌ستێره‌ وه‌رده‌گرێت.

8. توێژینه‌وه‌ ده‌كات له‌سه‌ر كۆمپانیاكانى ئاڵوگۆڕى دراو .

9. توێژینه‌وه‌ ده‌كات له‌سه‌ر بانكه‌ ئه‌هلییه‌كان .

10. توێژینه‌وه‌ ده‌كات له‌سه‌ر زه‌ڕنگه‌ره‌كان .

11. توێژینه‌وه‌ ده‌كات له‌سه‌ر ژماره‌ى گه‌شتیارانى هاتوو بۆ هه‌رێمى كوردستان له‌ڕیگه‌ى فڕۆكه‌خانه‌ و بازگه‌ و خاڵه‌ سنورییه‌كان .

12. توێژینه‌وه‌ ده‌كات له‌سه‌ر كۆمپانیاكانى گه‌شت و گوزار .

13. توێژینه‌وه‌ ده‌كات له‌سه‌ر كۆمپانیاكانى بازرگانى سنوردار .